Kampioni i botës Lewis Hamilton ka triumfuar dhe në Çmimin e Madh të Belgjikës, duke e thelluar avantazhin nga pilotët e tjerë në Formula 1. Britaniku e nisi në ‘pole-position’ garën dhe e përfundoi po në të njëjtën pozicion, duke triumfuar për herë të 89 në karrierë në F1, vetëm dy fitore më pak se rekordmeni Michael Schumacher (91).
Pas tij, u pozicionua shoku i tij i skuadrës Valtteri Bottas, duke dëshmuar superioritetin teknik të Mercedesit.
Në përfundim të garës Hamilton deklaroi: “Nuk ishte garë e lehtë. Temperaturat e asfaltit ishin të ulëta dhe po humbisja kontrollin e gomave. Isha nervoz duke besuar se problemet e Silverstonit po përsëriteshin, por për fat të mirë arritëm të fitonim garën. I jam shumë mirënjohës ekipit dhe Mercedesit për mbështetjen e vazhdueshme.”
Pas ”jashtëtokësorëve”, vendi i tretë në podium u zu nga holandezi Max Verstappen i Red Bull, i cili mbeti afër mjeteve Mercedes gjatë gjithë garës, ndërkohë që ngushëllim ka edhe për Ricciardo, që me Renault-in e tij që mori xhiron më të shpejtë dhe vendin e katërt.
Një zhgënjim për Ferrarin, që rrezikon ta mbyllë në anonimitet sezonin, me Vettel dhe Leclerc që mbetën jashtë zonës së pikëve.
Gara pati dhe një moment të frikshëm kur në xhiron e 10-të u përfshinte në aksident piloti i Alfa Romeo-s, Antonio Giovinazzi me pilotin e Williams britanikun George Rusell fatmirësisht pa pasoja për pilotët./En.Br./Fjala.al
LAP 44/44: Car No. 44 ?#BelgianGP ?? #F1 pic.twitter.com/13xlTRbRi2
— Formula 1 (@F1) August 30, 2020
