Pas rezultateve të zgjedhjeve të së dielës ku qytetarët zgjodhën të votonin për koalicionin pro serb, Gjukanoviç nisi negociatat.
Për herë të parë pas 30 vitesh në pushtet, partia Demokratike e Socialistëve, e udhëhequr nga presidenti Gjukanoviç nuk do jetë ajo që do të drejtojë Malin e Zi.
Takimi u zhvillua ndërmjet koalicioneve “Për ardhmërinë e Malit të Zi”, “Paqja është kombi ynë”, dhe “E zeza në të bardhë”, që drejtohen nga , shqiptari Dritan Abazoviq.
Udhëheqësit e koalicioneve opozitare zhvilluan mbrëmjen e djeshme një takim ku kanë rënë dakord për parimet mbi të cilat do të punojë qeveria e ardhshme.
Katër parimet mbi të cilat ata ranë dakord janë:
Parimi i parë, qeveria e re do të zbatojë me përgjegjësi të gjitha detyrimet demokratike;
Parimi i dytë , qeveria do të zbatojë të gjitha reformat e nevojshme në mënyrë që Mali i Zi të bashkohet me BE-në;
Parimi i tretë, qeveria e re do të përbëhet nga ekspertë, personel që janë ekspertë në fusha specifike pavarësisht nga karakteristikat e tyre politike, fetare, kombëtare ose ndonjë karakteristikë tjetër;
Parimi i katërt, qeveria e re do të angazhohet për respektimin e Kushtetutës dhe zbatimin e ligjit me ndryshime, shtesa dhe rishikimi i të gjitha ligjeve dhe akteve nënligjore diskriminuese, përfshirë Ligjin për Lirinë e Fesë.
Më tej tre liderët theksuan se do t’ia shtrijnë dorën përfaqësuesve të popujve pakicë me synimin për të ndërtuar në një të ardhme më të mirë për Malin e Zi.
Zgjedhjet e së dielës u karakterizuan nga një pjesëmarrje e lartë e votuesve pavarësisht pandemisë, ndërsa qytetarët krejt ndryshe nga parashikimet zgjodhën të marrin një tjetër drejtim duke çuar në opozitë partinë properëndimore të presidentit Gjukanoviç, i cili do të vijojë të jetë në krye të shtetit deri në vitin 2023. Ru.Do/ Fjala.al
