Një ngjarje e rëndë ka ndodhur mëngjesin e sotëm në aksin Tiranë-Durrës ku janë përplasur 2 makina.
Në zonën e Kasharit janë përplasur 2 makina tip “Panda” dhe “Audi” dhe si pasojë e përplasjes ka gjetur vdekjen njëri prej shoferëve.
Burime zyrtare nga policia bënë me dije se mjeti me drejtues Xh.S, ka aksidentuar mjetin me drejtues shtetasin E.M., i cili si pasojë e plagëve të marra ka ndërruar jetë.
Si pasojë e aksidentit, është krijuar një trafik i rënduar, me radhë të makinave që shkon deri në 10 km, për pasojë lëvizja është devijuar në rrugën dytësore. /Ra.My.Fjala.al
