Pushuesit nga Kosova vijojnë të zgjedhin bregdetin shqiptar për të bërë pushimet. Ditën e sotme pika kufitare e Morinës ka pasur fluks pasi nijëra pushues presin në radhë për të kaluar kufirin. Nga Qendra Kombëtare për Menaxhimin Kufitar, njoftojnë se në këtë pikë kufitare ka një fluks të madh makinash.
Ndërkohë, fundjavën e kaluar u futën në Shqipëri 15 mijë qytetarë të Kosovë, sa u krijua edhe një trafik në rrugën Milot- Rrëshen.
Sakaq, javët e fundit ka pasur një fluks në këtë në të gjitha pikat kufitare të vendit. Situatë kaotike u krijua në pikën Kufitare të Kakavijës, ku shqiptarët qëndruan 5 ditë në radhë për të kaluar doganën. Shkak i situatës u bë marrja e tamponit nga pala greke.
Por, edhe disa ditë më parë u krijuan radhë në pikën doganore të Kapshticës, pasi u plotësia kuota prej 300 personash. Pala greke pezulloi menjëherë punën. Ka.Li/fjala.al
