Një anije me 43 persona dhe gati 6,000 bagëti nga Zelanda e Re në Kinë u përmbys këtë të enjte pas humbjes së motorit si pasojë e motit me stuhi të forta në Detin e Kinës Lindore.
Rojet bregdetare të Japonisë thanë se kishin shpëtuar një 45-vjeçar anëtar të ekuipazhit ndërsa po kërkonte për anijen.
“Anija humbi një motor përpara se të goditej nga stuhia dhe të përmbysej”, u tha nga rojet bregdetare.
Kur anija u përmbys, ekuipazhi u udhëzua të vishte jelekët e shpëtimit. Edvarodo, i vetmi i mbijetuar i ngjarjes, i tha rojes bregdetare se u hodh në ujë dhe nuk pa ndonjë anëtar tjetër të ekuipazhit para se të shpëtohej, shkruan Fjala.al.
“Tre anije, pesë aeroplanë dhe dy zhytës kishin vendosur të vazhdonin kërkimet,” tha roja e bregdetit.
Në ekuipazh ishin 39 persona nga Filipinet, dy nga Zelanda e Re dhe dy nga Australia.
Qeveria e Filipineve tha se po koordinohej me rojën bregdetare japoneze ndërsa kërkonte anëtarët e ekuipazhit të zhdukur.
Tajfuni Haishen pritet të godasë bregdetin Korean të dielën ose të hënën.
Të paktën një person u raportua i vrarë në Korenë e Jugut në qytetin jugor të Busan pasi Typhoon Maysak bëri zbarkim të Enjten, duke sjellë erëra të forta dhe shi të fortë./Er.Ke/Fjala.al/
