Xhirimet në Londër të filmit Batman janë pezulluar sërish, këtë herë për shkak të një rasti me koronavirus brenda ekipit, sipas njoftimit të Warner Bros ditën e sotme.
“Një anëtar i ekipit të filmit Batman ka rezultuar pozitiv me Covid-19 dhe është në izolim sipas protokolleve të vendosura. Xhirimet janë ndërprerë përkohësisht”, thuhet në deklaratën e kompanisë.
Regjisori i filmit, Matt Reeves tha se kishte përfunduar xhirimet e një të katërtës së filmit.
Ky film, premiera e të cilit është planifikuar për në tetor 2021, dhe do ta trajtojë karakterin e ‘Batman’ nga perspektiva njerëzore si dikush që bën gabime, bie dhe ngrihet sërish për të qenë një hero.
Matt tregoi se për këtë film u frymëzua nga klasikët e viteve 70 si ‘China Toën’ (1974), The French Connection (1971) dhe Taxi Driver (1976). Ka.Li/fjala.al/Burimi:LaVanguardia
