Pas vendimit të autoriteteve izraelite për të vendosur mbylljen e 30 “zonave të kuqe” nga e hëna e fundit, të dhënat nga Ministria e Shëndetësisë konfirmojnë se niveli i infeksioneve është ende shumë i lartë.
Ditën e djeshme u regjistruan 2766 persona me COVID-19.
Mediat lokale citojnë një studim nga universiteti “John Hopkins”, sipas të cilit, janë regjistruar 2156 infeksione në ditë për milion banorë, Izraeli është në vendin e parë në renditjen botërore, pasi ka kaluar edhe Brazilin (1887), Spanjën (1824) dhe SHBA (1272).
Një situatë alarmante gjithashtu është regjistruar në Gaza ku infeksionet u rritën në 577 në 24 orë, 116 më shumë se ditën e djeshme.
Numri i përgjithshëm i rasteve pozitive të regjistruara në Izrael është 125 755, nga të cilat 25 277 janë pacientë aktivë, si edhe 991 vdekje. Ru. Do/ Fjala
