Detaje të reja janë zbuluar nga mbytja e 14-vjeçarit në Liqenin e Farkës. Sipas familjarëve 14-vjeçari ishte zhdukur prej paradites së të enjtes ndërsa gjithashtu ata kishin bërë denoncim në polici.
Menjëherë policia ka kontrolluar kamerat rreth zonës së banimit dhe vunë re që i mituri shoqërohej nga miku i tij. Pas marrjes në pyetje të mikut të të miturit ai ka rrëfyer se 14-vjeçari ishte mbytur në liqenin e Farkës, por nuk kishte treguar pasi ishte trembur.
Kërkimet kanë nisur nga ora 20:00 deri në 21:30 të së premtes, por për shkak të errësirës nuk është bërë e mundur gjetja e trupit duke bërë që operacioni të shtyhej për mëngjesin e sotëm.
Sot rreth orës 06:35 në momentet kur familjarët janë afruar pranë vendit ku 14-vjeçari ishte parë për herë të fundit kanë gjetur trupin duke pluskuar mbi ujë ndërsa në pak minuta kanë mbërritur edhe ekspertët e policisë./Re.Gu/fjala.al
