5 Shtatori, Dita e Shenjtërimit të Nënë Terezës. Ajo lindi në Shkup në vitin 26 gusht 1910. Emri i saj i lindjes është Anjezë Gonxhe Bojaxhiu. Ajo vizitoi Shqipërinë për herë të parë në gusht të vitit 1989.
Shenjt Tereza, por që në mbarë botën thirret “Nënë Tereza”, një grua me fytyrë të imët, të rrudhur, të plakur, pushtoi imagjinatën e botës me përkushtimin e saj ndaj të varfërve, veçanërisht në qytetin indian të Kalkutës, ku ajo fillimisht themeloi strehimoren e saj të parë për të pritur me mijëra “njerëz të trotuar”.
Shenjt Tereza është shembull i jashtëzakonshëm i misionit të heshtur e të pareshtur të bamirësisë, dëshmitare e paharrueshme e dashurisë, që gjeti shprehjen e vet konkrete në shërbimin e vazhdueshëm ndaj vëllezërve e motrave më të varfër e më të braktisur të botës, pa dallim e pa përjashtim race, feje, kombësie apo përkatësie shoqërore.
Shprehjet e saj kuptimplotë janë të shumta, por ne po sjellim një prej tyre në këtë ditë të veçantë për të.
“Nëse një ditë do të bëhem e shenjtë, nuk do të bëj dritë nga qielli, por do të jem sa më afër atyre që kanë nevojë për dashuri… #shenjterimineneterezes”/Bl.Ba/Fjala.al
