Policia ka arrestuar një 30-vjeçar nga Tirana i cili ushtronte në mënyrë të paligjshme aktivitet të lojrave të fatit.
Nga kontrollet e policisë në ambientet e lokalit në pronësi të 30-vjeçarit me iniciale Ë.M., në rrugën “Fitnete Rexha”, u gjetën 5 kompjutera, 1 pritnter dhe 4 aparate celularë.
“Nga Seksioni për Hetimin e Krimit Ekonomik dhe Financiar u bë arrestimi në flagrancë i shtetasit Ë.M., 30 vjeç, pasi në rrugën “Fitnete Rexha”, në ambientet e lokalit që kishte në administrim ushtronte aktivitet të kundraligjshëm të lojrave të fatit. Në cilësinë e provës materiale u sekuestruan 5 kompjutera, 1 printer dhe 4 aparate celularesh” – njofton policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme. /Ra.My.Fjala,al/
