Liga e Kombeve do të jetë e pranishme edhe të dielën e 6 Shtatorit ku na presin sfida mjaft interesante dhe që premtojnë spektakël.
Ndeshjet hapëse të ditës së sotme ishin Uells-Bullgari dhe Andorra-Ishujt Faroe që u mbyllën me fitoren minimale 1-0 respektivisht nga Uellsi dhe Ishujt Faroe. Ndërkohë janë duke u luajtur edhe përballjet Hungari 0-2 Rusi, Irlandë 0-0 Finlandë dhe Slloveni 1-0 Moldavi.
Por sfidat më pikante janë rezervuar për në mbrëmje aty ku Spanja pret Ukrainën, Zvicra Gjermaninë, Malta Lituaninë si dhe përplasja mes Serbisë e Turqinë. Ajo që do të jetë ‘qershia mbi tortë’ është supersfida mes Kosovës dhe Greqisë. Kjo përballje me siguri do të rezervojë spektakël teksa dardanët do të mbajë shqiptarët pas ekranit me shpresën për të dale me rezultat pozitiv.
Duket sikur Liga e Kombeve, është treguar tepër ‘bujare’ mbrëmjen e sotme me një larmi sfidash që premtojnë gola.
Pa.Va/ Fjala.al
