Një burrë austriak theu rekordin e tij personal për kohën më të gjatë të qëndrimit në një kuti akulli.
Josef Koeberl arriti të qëndronte 2 orë, 30 minuta dhe 57 sekonda brenda një kutie qelqi të mbushur deri tek shpatullat e tij me akull. Më shumë se 200 kilogramë kube mbushnin kutinë ku Koeberl hyri brenda duke mos veshur asgjë përveç rrobave të notit.
Në mënyrë që të luftonte ‘dhimbjen’ e shkaktuar nga temperaturat e ngrirjes, Koeberl tha se ai po përpiqej të përqendrohej me mendime pozitive.
“Unë jam duke luftuar dhimbjen duke vizualizuar dhe tërhequr emocione pozitive në mënyrë që ta shuaj këtë valë dhimbjesh. Në këtë mënyrë unë mund të duroj”, u shpreh ai për gazetarët. Një turmë e vogël njerëzish vëzhgonin teksa Koeberl theu rekordin e tij të 2019-ës me 30 minuta në sheshin e qytetit Melk në Austri.
Pasi u nxor nga kutia e akullit nga ndihmësit, ai tha se shpina e tij ishte “për mrekulli”
Koeberl po planifikon të thyejë rekordin e tij përsëri vitin e ardhshëm në Los Angeles.
Ekipi i tij u shpreh se ky është gjithashtu një rekord aktual botëror kur bëhet fjalë për të ekspozuar trupin në akull.
Pa.Va/ Fjala.al
