Babai i Uzunit shpërthen ndaj Kombëtares: Nuk luan se s’është servil

113 563 lexime

124,178FansaPëlqeje

Mosaktivizimin e të birit në ndeshjen ndaj Bjellorusisë duket se Artan Uzuni, babai i Myrto Uzunit nuk e ka pritur aspak mirë.

Ai ka reaguar në rrjetet sociale duke shigjetuar trajnerin Reja dhe jo vetëm, pas asaj sfide të fituar nga kombëtarja tonë.

“Shqiponja e ardhur nga periferia e qytetit 2400 vjeçar, Berati. Myrto Uzuni, 77, ti erdhe nga hiçi bab, nga rrugicat e lagjes Uznovë. Askush nuk besonte tek Ty, vetëm Ti edhe unë besonim se mund t’ia dilje. Edhe unë nuk besoja se Ti mund të arrije kaq lart.

Unë besoja dhe do isha i kënaqur që ti të vishje fanellën e qytetit tonë Beratit, por Ti u ngjite shumë lart bab. Më the dikur, kur ti ishe vetëm 15 vjeç, kur hyre për herë të parë dhe shkele fushën e stadiumit Dinamo, kur ishim për një vizitë në Tiranë.

A do loz vallë unë ndonjëherë te këto fusha? Por kur të pashë në Stade de France, duke kënduar himnin e flamurit, sytë e mi u mbushën me lot. Tani për Ty stadiumet janë kush e ka radhën?

Myrto, mbase je mërzitur se nuk mund të lozësh as sot, në ndeshjen e radhës së kombëtares sonë. I urojmë suksese kombëtares sonë në ndeshjen e sotme, loz apo nuk loz TI.

Myrto, ti diku mund të kesh krijuar qejf-mbetje për diçka që ke folur apo ke ndjerë. Ti fole për mister Cristian Panuçin dhe që nga ajo ditë Ti ke qëndruar vetëm në stol.

Mos u mërzit babi, ti je nga ata djem që e njeh NDERIN. TI nuk je servil bab dhe ashtu vazhdo, loz apo nuk loz. Besoj se nuk ka arsye tjetër shpjegimi që Ti të rrish në stol tek ndeshjet e kombëtares, jo se je djali im dhe unë kam qejf që ti te lozësh, por kam dëgjuar këta PALO gazetarë që thonë “lojtarët tanë të kombëtares janë pa minuta në këmbë, ndërsa lojtarët e Bjellorusisë ishin lojtarë që kampionati i tyre vazhdonte dhe do ishin më mirë në kondicionin e tyre fizik”.

Lexo edhe :  Sokol Cikalleshi dhe Endri Çekiçi nënshkruajnë me klubin e ri

Ndërsa një lojtar si Ty bab, me 3500 minuta në këmbë, lojtar formacioni në çdo ndeshje, të lënë jashtë dhe mënjanë. Ku janë këta Gazetare sot, që në ndeshjen e parë tënde me kombëtaren thoshin ‘këmbët XIXA i bënin Myrto Uzunit.

Të gjithëve duhet t’u jepet mundësia për ta veshur atë fanellë, por gjithmonë kush e meriton. Kjo është e vërteta. Mos u mërzit bab, ti kudo ku ke vajtur ke bërë histori. Vajte tek Laçi, hyre në historinë e klubit. Po ashtu edhe tek Lokomotiva e Zagrebit. Mbase të ndihmon Zoti edhe me Ferencvaroshin e kaloni në grupet e Champions.

Bab, ti do më kërkosh që unë ta fshij këtë postim, por unë nuk do ta fshij edhe sikur të më lutesh dhe të më përgjërohesh, prandaj mos e merr mundimin të ma kërkosh një gjë të tille. Fitore Shqipërisë, 3-0, me golat e Balaj, Roshit e Manajt”, shkruan babai i Uzunit.

Megjithatë Uzuni është aktivizuar ditën e sotme ndaj Lituanisë dhe duket se mosaktivizimi në ndeshjen e parë ka qenë thjesht për çështje teknike.

Pa.Va/Fjala.al

Të fundit

Miratohen datat e reja në Rumani, ja kur do të mbahen zgjedhjet presidenciale

Zgjedhjet presidenciale në Rumani do të zhvillohen me dy raunde në datat 4 dhe 18 maj. Qeveria e koalicionit të...

E veshur me bikini, Xhensila Myrtezaj “ngre” temperaturat me fotot e nxehta në pishinë

Këngëtarja Xhensila Myrtezaj ka “ngritur” temperaturat me fotot e nxehta në rrjetet sociale. Artisja ka pozuar në pishinë duke ekspozuar linjat e saj trupore...

Fëmija 1-vjeçar nga Gaza evakuohet në Shqipëri për trajtim të specializuar mjekësor

Një fëmijë 1-vjeçar nga Gaza është evakuuar në vendin tonë për një trajtim të specializuar mjekësor. Lajmi është bërë i ditur nga Organizata Botërore e...

Netanyahu akuza Hamasin: Është tërhequr nga disa pjesë të marrëveshjes së armëpushimit

Kryeministri izraelit Benjamin Netanyahu akuzoi sot Hamasin se ishte tërhequr nga disa pjesë të marrëveshjes së armëpushimit në Gazë dhe tha se kabineti i...

8 strategji për të qetësuar nervat tuaja përpara një loje apo gare

Një nga situatat më të frikshme në botën e sportit janë nervozizmi para një loje. Pavarësisht se është një fenomen shumë i zakonshëm, e...

Lajme të tjera

Web TV