Pandemia e cila ka ‘mbërthyer’ gjithë botën ka shkaktuar një numër të lartë viktimash.
Ndërkohë që të gjithë presin lajmin për nxjerrjen në treg të vaksinës kundër Covid-19, Instituti i Vlerësimeve dhe Shëndetit (IHME), i Universitetit të Uashingtonit paralajmëron se viktimat nga koronavirusi mund të dyfishohen nëse situata vazhdon me të njëjtat ritme.
Në studimin e tij thuhet se nëse gjithçka vazhdon si deri më tani, vdekjet në të gjithë botën do të arrijnë shifrën 1,9 milionë në dhjetor 2020. Kjo do të thotë që, sipas IHME, në muajt e ardhshëm do të dyfishohen bilancet aktuale, duke e çuar shifrën në total të viktimave në 2,8 milionë.
Sipas ekspertëve amerikanë, viktimat ditore nga Covid-19 gjatë dhjetorit do të shtohen shumë, duke kapur shifrën e 30 000 personave në 24 orë. /Ra.My.Fjala.al/
