Shpesh na ndodh të ndiejmë vështirësi në frymëmarrje, dhe të mos marrim mjaftushëm ajër. Frymëmarrja e vështirësuar mund të sinjalizojë një problem themelor shëndetësor. Disa prej simptomave të frymëmarrjes së vështirësuar lidhen me ndjesinë e mungesës së ajrit, ose ngushtim në gjoks. Vështirësitë e frymëmarrjes mund të shkaktohen nga shumë gjëra, duke përfshirë:
-Astmë
-Sëmundje të tjera të mushkërive (përfshirë emfizemën, e cila është një sëmundje e mushkërive që shkaktohet shpesh nga pirja e duhanit)
-Infarkt
-Sulmet e panikut
-Alergji
Nëse nuk keni frymë me kollë dhe/ose temperaturë, mund të keni infeksion në gjoks ose pneumoni. Shkaqet më pak të zakonshme të problemeve të frymëmarrjes janë kanceri i mushkërive, mpiksja e gjakut në mushkëri, rrjedhja e ajrit nëpër mushkëri dhe dhembja e indeve të mushkërive.
Diagnostimi i vështirësive në frymëmarrje
Në gjetjen e shkakut të problemit që po hasni me frymëmarrjen, mund t’ju vijë në ndihmë mjeku juaj. Ai do t’ju bëjë pyetje rreth simptomave tuaja, por edhe një test fizik. Mjeku juaj gjithashtu mund t’ju rekomandojë disa teste.
Për të gjetur shkakun e problemit të frymëmarrjes suaj, mjeku juaj mund të urdhërojë rreze X të gjoksit.
Mjeku mund të rekomandojë një elektrokardiogramë. Gjatë këtij testi, mjeku juaj do t’ju bëjë të shtriheni, kështu që zemra juaj mund të monitorohet. Makina EKG krijon një foto, ose gjurmim, që tregon sinjalet elektrike të zemrës suaj.
Ju mund të bëni një tomografi të kompjuterizuar (TK), e cila është një lloj tjetër i radiografisë. Mjeku juaj mund të matë fuqinë e frymëmarrjes (të quajtur spirometër) dhe nivelin e oksigjenit në gjakun tuaj. Ju, gjithashtu, mund t’ju duhet të bëni një analizë gjaku.
Si ta parandalojmë frymëmarrjen e vështirësuar
Parandalimi i problemit me frymëmarrjen varet nga ajo që e shkakton atë. Nëse shkaktohet nga alergjitë, ju mund t’i parandaloni ato, duke identifikuar shkaktarin tuaj të alergjisë. Pasi ta dini se çfarë i shkakton alergjitë tuaja, ju duhet të bëni çmos për t’i shmangur ato, por nëse shkaktohet nga pirja e duhanit, lënia e tij mund të ndihmojë në parandalimin e tyre. Shkaqe të tjera të vështirësimit të frymëmarrjes mund të mos jenë aq të lehta për t’u shmangur.
Trajtimi
Mjeku juaj do të trajtojë shkakun e problemit tuaj të frymëmarrjes. Për të ndihmuar trajtimin tuaj, nëse pini duhan, duhet ta lini. Pyesni mjekun tuaj për ndihmë. Gjithashtu, shmangni substanca që mund të shqetësojnë mushkëritë tuaja, si p.sh. tymrat nga bojërat dhe shkarkimet e makinave. Nëse mjeku juaj thotë se është në rregull, duhet të përpiqeni të bëni shumë stërvitje. /Ra.My.Fjala.al/
