Kthimi në Serbi i 25 mijë turistëve nga pushimet jashtë vendit gjatë muajit shtator mund të ndikojë në rritjen e numrit të të infektuarve ndërsa sugjeron vetëizolimin e tyre në shtëpi.
Kështu është shprehur epidemiologu Branislav Tiodoroviq, anëtar i Shtabit të Krizave.
“Kushdo që vjen në Serbi duhet të jetë i vetëdijshëm se me vete është duke bartur rrezikun, andaj do të ishte mirë një lloj vetëizolimi i tyre në shtëpi. Qoftë nëse fjala është për kthim nga pushimet verore apo për të ardhur nga një vend në tjetrin, të gjithë duhet ta kemi këtë zakon të kujdesemi për veten dhe të tjerët” tha Tiodorović në një intervistë për Blic.
Fillimi i vitit të ri shkollor, sipas tij mund të sjellë rreziqe të shumta sa i përket të infektuarve.
Tiodorović vijoi më tej duke thënë se është e rëndësishme që studentët, të cilët vijnë nga ato territore ku situata epidemiologjike është më e rëndë në raport me Serbinë, të jenë të kujdesshëm dhe të respektojnë.
Sipas Tiodorović: “Sigurisht që respektimi i masave nuk iu referohet vetëm atyre që vijnë, por të gjithë popullsisë, sepse zbatimi dhe respektimi i masave është i një rëndësie të jashtëzakonshme për eliminimin e virusit”. /Er.Ke/Fjala.al/
