Sipas një studimi të botuar edhe në revistën shkencore të Akademisë Europiane të Alergjisë dhe Imunologjisë, i drejtuar nga Enrico Scala, pacientët Covid që janë edhe alergjikë zhvillojnë forma më pak të rënda të infeksionit.
“Të qenit alergjik mbron nga format e rënda të infeksionit Covid” – Kjo është konfirmuar nga një studim në Itali, i drejtuar nga Enrico Scala
“Sars-Cov-2 mund të shkaktojë një spektër të gjerë pasojash duke filluar nga infeksioni asimptomatik deri te format jashtëzakonisht serioze të pneumonisë. Në disa raste zhvillohet një formë e ashtuquajtur ‘Stuhi citokine Th1’, e cila pasohet nga një vetë-agresion i sistemit imunitar, me prodhimin e niveleve shumë të larta, ndër të tjera, të IL-6, e aftë të gjenerojnë një sindromë akute të distresit të frymëmarrjes dhe dëmtim të shumë organeve, rezultati përfundimtar i të cilave është vdekja.
Pacientët alergjikë janë të predispozuar gjenetikisht për të gjeneruar një përgjigje imuniteti të një lloji tjetër: Th2. Kjo bën që pacientët alergjikë të jenë më pak të prirur të preken rëndë nga Covid”, thuhet në studim.
Pa.Va/Fjala.al
