Aksidentet fatale janë shumë të rralla në tenis, ku episodi më i njohur mbetet ai i 10 shtatorit të 1983. Incidenti ndodhi gjatë finales së US Open Junior në përballjen midis suedezit Stefan Edberg dhe australianit Simon Youl.
Në një shërbim, Edberg goditi aksidentalisht gjyqtarin Dicks Wertheimer, i cili humbi ekuilibrin dhe u rrëzua nga karrigia si pasojë e goditjes. Gjatë rënies, 60 vjeçari pësoi një goditje të rëndë në kokë çka i shkaktoi goditje në tru, për të cilën u transferua menjëherë në një spital pranë Flushing Meadow.
Arbitri i karriges vdiq më 15 shtator, pesë ditë pas rënies fatale.
Familja Wertheimer paditi Shoqatën Amerikane të Tenisit me 2.25 milion dollarë. Gjykata Supreme e Nju Jorkut vendosi që ndikimi i topit të goditur nga Edberg nuk ishte shkaku i vdekjes së Wertheim dhe e la çmimin me 165,000 dollarë.
Pas vdekjes së Wertheimer, Federata Ndërkombëtare e Tenisit (ITF) ndryshoi rregullat dhe gjyqtarët anësorë nuk qëndrojnë më ulur gjatë zhvillimit të lojës.
Stefan Edberg, i cili fitoi 6-2 dhe 6-4 ndaj Simon Youl në finalen e US Open Junior të 1983, u bë numri 1 i botës duke grumbulluar 41 tituj, ndërsa u tërhoq përfundimisht nga tenisi i luajtur në moshën 30 vjeçare.
Skualifikimi i Novak Djokoviç nga US Open 2020 pasi goditi gjyqtaren anësore, i dha aktualitet rrezikut të goditjeve që mund të marrin gjyqtarët në tenis./Fi.Ak/Fjala.al
