Presidenti i Serbisë Aleksandër Vuçiç dhe Kryeministri i Kosovës, Avdullah Hoti u takuan javën e kaluar në SHBA, ku nënshkruan marrëveshjen për normalizimin ekonomik.
Por kreu i shtetit,serb,i është kthyer dhe njëherë kësaj çështjeje duke u shprehur se në takimin e Ëashingtonit, Serbia nuk e ka pranuar njohjen e ndërsjellë me Kosovën.
Marrëveshja, e nënshkruar në prani të presidentit amerikan, Donald Trump, parashesh, mes tjerash, edhe njohjen e ndërsjellë midis Kosovës dhe Izraelit.
Duke folur për gazetën sarajevase “Dnevni avaz”, Vuçiç tha se Izraeli është shtet sovran dhe se ka të drejtë të bëjë çfarë të dëshirojë.
Ai shtoi se Serbia “i dërgoi një mesazh Izraelit, që është ishte i qartë”, por nuk dha më shumë detaje. I pyetur nëse në Washington është diskutuar për Bosnje e Hercegovinën, Vuçiç tha se është folur për rajonin në tërësi, por, para së gjithash, për marrëdhëniet Beograd-Prishtinë.
“Nëse më pyesni nëse është biseduar për diçka specifike në Bosnje – jo, nuk është biseduar dhe as nuk ka qenë qëllim i ndokujt”, tha Vuçiç. Kosova dhe Serbia kanë nisur dialogun për normalizimin e marrëdhënieve qysh në vitin 2011.
Ai është ndërmjetësuar vazhdimisht nga Bashkimi Evropian dhe mbështetur nga Shtetet e Bashkuara.
Kryeministri i Kosovës, Avdullah Hoti, ka përsëritur disa herë se marrëveshja për normalizimin e marrëdhënieve me Serbinë do të arrihet atëherë kur të ketë njohje reciproke.
Pa.Va/ Fjala.al
