Artisti i njohur kosovar, Sabri Fejzullahu dhe bashkëshortja e tij, Nera Fejzullahu kanë mundur së fundmi të marrin nënshtetësinë shqiptare duke marrë pashaportat nga presidenti i vendit, Ilir Meta.
Fejzullahu ka zgjedhur ta falenderojë publikisht Metën, duke shkruar fjalët më të veçanta për këtë moment të shumëpritur nga ana e tij, bashkangjitur me ndjenja patriotizmi.
“I dashur President Meta , Jam i nderuar me dékretin tuaj per shtetesine Shqiptare . Me keni bere krenar me kete, keni nderuar punen dhe angazhimin tim nji jete te tere ne rriten dhe lartesimin e zerim dhe kultures Shqiptare kudo neper bote . I dashur President , une sot me pasaporten Shqiptare nuk Jam me shume shqiptar se qe isha qe nga dita kur linda .Nje jete te tere vogelsia ime ishte ne sherbim te Shqiperise , Kosoves, asaj Shqiperise gjeografike te ciles ju i sherbyet me guxim dhe ndere i dashur President . Te faleminderit shume! Ndjehem i vleresuar dhe respektuar e kjo per mua do te thote shume”, ka shkruar Sabriu në postimin e fundit ku shfaqet së bashku me pasaportat në dorë pranë flamurit shqiptar dhe bashkëshortes.
Me siguri ky moment e ka lumturuar pafund artistin e njohur kosovar, i cili ka kontribuar për kaq vite me projektet e tij muzikore në estradën shqiptare. Edhe bashkëshortja e Sabriut ka treguar me postimin e fundit se është mirënjohëse për këtë moment dhe shumë e lumtur që mund të mbajë në dorë pasaportën shqiptare.
