Si sot 19 vite më parë në SHBA u krye akti terrorist më i rëndë i të gjitha kohërave.
Dy avionë civilë u rrëmbyen nga një grup terrorist, të drejtuar nga Osama Bin Laden duke goditur dy Kullat Binjake në New York.
Nga ky sulm terrorist humbën jetën 3 mijë persona, mes tyre 43 zjarrfikës dhe 60 policë.
11 shtatori është dita kur u sulmuan Kullat binjake në New York, një sulm terrorist i ndërmarrë nga grupi i quajtur Al Kaheda kunddrejt SHBA.
Objektivi i këtij sulmi ishin ndërtesat më të rëndësishme Kullat Binjake në New York ku ishte vendosur Selia e Organizatës Botërore të Tregtisë (OBT), Pentagoni, Ministria amerikane e Mbrojtjes dhe Shtëpia e Bardhë në Washington, selia e presidentit të SHBA.
Kjo ngjarje shënoi në kujtesën e amerikanëve një ditë tragjike e cila përkujtohet çdo vit nga zyrtarët e lartë të shtetit dhe qytetarët amerikanë. /Ra.My.Fjala.al/
Kronologjia e ngjarjeve/Çfarë ndodhi në 11 shtator 2001
Ora 8:46, një aeroplan i rrëmbyer nga terroristët u përplas mbi kullën veriore të Qendrës Botërore të Tregtisë në New York, duke krijuar një çarje të thellë në fasadën e ndërtesës dhe duke shkaktuar zjarr.
Ora 9:03, një tjetër aeroplan pasagjerësh i rrëmbyer, përplaset mbi kullën jugore, duke krijuar një lëmsh të madh zjarri.
Ora 9:17, Administrata Federale e Aviacionit urdhëron mbylljen e të gjitha aeroporteve dhe fluturimet në New York. Pak minuta më vonë, mbyllen edhe urat dhe tunelet.
Ora 9:30, Presidenti Bush, që ndodhej në Florida, informon popullin amerikan se vendi ka përjetuar një sulm terrorist.
Ora 9:37, Vetëm pak kilometra jashtë Washingtonit, një aeroplan pasagjerësh përplaset mbi ndërtesën e Pentagonit, duke e mbuluar atë në flakë.
Ora 10:05. Kulla jugore e Qendrës Botërore të Tregtisë rrëzohet, duke shkaktuar re të dendura pluhuri që mbulojnë qytetin e New Yorkut.
Ora 10:10, Aeroplani i linjës United Airlines numër 93, rrëzohet në shtetin Pensylvania.
Ora 10:22, Departamenti i Shtetit dhe i Drejtësisë evakuohen dhe më pas edhe Banka Botërore dhe ndërtesa e Kongresit.
Ora 10:28, Kulla veriore e Qendrës Botërore të Tregtisë, rrëzohet!
Ora 10:45, të gjitha zyrat kryesore të qeverisë federale evakuohen.
Ora 11:59, agjencia ajrore, United Airlines konfirmon se aeroplani me numër fluturimi 175, i linjës nga Bostoni për në Los Angeles është rrëzuar me 56 pasagjerë dhe 9 pjesëtarë të ekuipazhit. Më pas mësohet se ky ishte aeroplani që u përplas mbi kullën jugore të Qendrës Botërore të Tregtisë.
Ndërsa në mbrëmje, Presidenti Bush i drejtohet vendit: “Ne po hetojmë se kush fshihet pas këtyre akteve mizore. Kam urdhëruar të gjitha organet e rendit që të gjejnë personat përgjegjës. Nuk do të bëjmë dallim midis terroristëve që kryen këto akte dhe atyre që i strehojnë ata.”’’
