“Pandemia COVID-19 do të na shoqërojë të paktën edhe për 1 vit e gjysmë,” deklaroi sonte mjeku infeksionist Pëllumb Pipero.
I ftuar në emisionin “Zonë e Lirë”, Pipero theksoi se në fillim të vitit të ardhshëm pritet të ketë një vaksinë që së bashku me masat parandaluese do të mundësojnë vënien nën kontroll të koronavirusit.
Ndërkohë ai është shprehur kundër përdorimit të forcës për të vaksinuar qytetarët, por ka thënë se disa grupe qytetarësh si mjekët dhe mësuesit janë të rekomanduar ta bëjnë vaksinën.
“Masat karantinuese nuk i rekomandojmë më 14 ditë. 7 ditë janë të mjaftueshme për t’u mbrojtur. Kjo pandemi do na shoqërojë edhe së paku 1 vit e gjysëm. Besoj që në fillim të vitit që vjen do të kemi edhe një vaksinë, që do të mundësojë vënien nën kontroll më shpejt të virusit.
Vaksina është zgjidhje e qëndrueshme. Jam kundër përdorimit të forcës për të bërë vaksinën. Por disa grupe qytetarësh si mjekët apo mësuesit janë të rekomanduar që ta bëjnë. Ankthi është aleati më i madh i këtij virusi dhe përjetimi me ankth e agravon virusin”, tha ndër të tjera virusi.
