Historia e tyre e dashurisë nisi në korridoret e Akademisë së Arteve, për t’u shndërruar më pas në veprën e tyre të artit që bëri dhe vazhdon të bëjë bashkë edhe pas kaq vitesh Timo Fllokon dhe Vera Grabockën.
Aktori i mirënjohur dhe regjisorja e suksesshme janë dy personazhë mjaft të njohur për publikun shqiptar, të cilët pas kaq vitesh arritje në skenë, vazhdojnë të triumfojnë edhe me dashurinë e tyre në jetë.
Aktori ndau me publikun dhe momente të jetës së tij personale, sidomos në raportin që ka me bashkëshorten e tij, regjisoren Vera Grabocka, duke zbuluar kështu edhe një sekret të historisë së tyre të dashurisë.
“Verës ia dëgjoj gjithmonë mendimin. Ajo nuk gabon, ajo di të thotë çfarë është e rëndësishme dhe çfarë jo. Për mua ka shumë rëndësi opinioni i saj. Është e para që lexon poezitë e mia, kritikja, por edhe mbështetësja ime më e madhe pa të cilën nuk do të isha ky që jam.”-është shprehur aktori.
Suksesin, ajo e ka shijuar gjithmonë pas skene pa preferuar asnjëherë me zë meritën e saj. Por edhe këtë të fundit, gjithmonë e ndan me bashkëpunëtorët, madje ‘copat më të mëdha të tortës’ ua lë gjithmonë atyre.
Me natyrë jo më pak modeste është edhe bashkëshorti i saj, aktori i njohur Timo Flloko, i cili, në të paktat raste kur i duhet të flasë publikisht, nuk harron asnjëherë të përmendë mbështetjen absolute të Verës.
Vera i shijon poezitë e mia si fëmijë. E ka aftësitë ta dallojë menjëherë çfarë i pëlqen e çfarë jo. E thotë çfarë bën e çfarë nuk bën”, – thotë Timo për bashkëshorten duke u ndalur sidomos te aftësia e saj për ta shijuar e interpretuar poezinë. Madje, edhe kur i lexon poezitë me zë të lartë. Ru. Do/ Fjala.al
