Plagjatura është bërë një problem shqetësues për krijuesit, autorët e këngëve apo shkrimtarë dhe intelektualë që kanë dhënë kontribut të çmuar në fusha të ndryshme.
I tillë është rasti i kompozitorit shqiptar i cili jeton në Amerikë.
Aleksandër Vezuli ka denoncuar kolegun e tij për vjedhjen e një kënge e cila mban emrin dhe firmën e kompozitorit.
Në një postim në rrjetet sociale Vezuli ka shpërndarë një video duke nxjerrë pjesë nga kënga që Bahri Rustja e konsideron si të tijën, duke e krahasuar kështu me kompozimin origjinal të tij.
Kompozitori i njohur shprehet i zhgënjyer duke e quajtur këtë vepër pabesi e tradhti.
Vezuli e ka akuzuar Bahri Rustjan se përveç këngës së tij ka vjedhur refrenin duke e përshtatur me melodinë nga Habanera operës së famshme “Karmen” të kompozitorit francez Zhorzh Bize.
“Kam 50 vjet si kompozitor, dhe një pabesi e tradhëti e tillë nuk më ka ndodhur kurrë. Nuk ta pata për borxh këtë pabesi, këtë tradhëti, këtë vjedhje ndaj muzikës sime, o Bahri Rustja. Ma bëre hak…” shkruan Vezuli.
https://www.facebook.com/aleksander.vezuli/posts/4334533149953522
