Aktori shqiptar, Llazi Sërbo, është mjaft i njohur për kontributin që ka dhënë në kinematografinë shqiptare. Ai lindi në Korçë, më 9 mars 1945. Aktori do të mbahet mend për rolet në filmat “Yjet e Netëve të gjata” dhe “Operacioni Zjarri”.
Gjatë gjithë jetës artisti luajti në më shumë se 100 role. Ai zhvilloi shkollën fillore dhe gjimnazin në Korçë dhe më pas vazhdoi studimet në “Akademinë e Arteve” në Tiranë.
Pasi mbaroi studimet e larta më 1969, emërua ne teatrin “A.Z. Cajupi” te ,Korces. Ne vitet 1986-1993 punoi asistent regjisor ne kinostudion “Shqipëria e re”.
Ne skenën e Teatrit te Korçës luajti rreth 30 role kryesore dhe te dyte. Spikati ne shfaqjet Te pamposhturit (majori Shtok), Qyteti i akuzuar, Mësuesi i letërsisë (Samiu), Engjëjt e skëterrës, Opera për tri grosh (Meki Thika) etj. Figura te goditura realizoi ai sidomos ne kinematografi.
E nisi me rolin e dalanit në filmin Yjet e netëve të gjata (1972), ku shfaqi tipin e heroit të përmbajtur, për të mbërritur më pas në mishërime aktoriale te një niveli të lartë, posaçërisht në filmat Operacioni Zjarri (Kreshniku, një figurë e planit heroik), Shebmja e idhujve (Mësuesi), Nusja dhe shtetrrethimi (kapiteni gjerman Edgard, tek i cili mbërriti në figurën më të realizuar të tij, posaçërisht me vetpërmbajtjen, syrin zhbirues dhe zotë
rimin e planit hetues), Asgjë nuk harrohet (Andi Rama).
Sërbo vuante nga depresioni dhe për këtë merrte dhe mjekime. Pavarësisht këtyre mjekimeve, ai vrau veten me pushkë gjuetie më 12 shtator 2010 ku u gjet pa jetë në shtëpinë e tij në Korçë.
Ai vdiq në moshën 65 vjeçare. Para se të vdiste, Sërbo i kishte treguar një mikut të tij që dëshironte të vdiste si Bekim Fehmiu, një tjetër aktor shqiptar i cili kishte kryer vetëvrasje vetëm tre muaj para vdekjes së Llazi Sërbos.
Ende sot, një dekadë pas vdekjes së tij, të gjithë e kujtojmë me admirim dhe nderim shpirtin e tij artistik. Ka.Li/fjala.al
