Një ngjarje e rëndë ka ndodhur në Pogradec. Për një muaj rresht një vajzë 13-vjeçare dyshohet se është përdhunuar nga një 46-vjeçar.
Ngjarja është zbuluar pas denoncimit të vetë viktimës ditën e djeshme, 13-vjeçares e cila ka rrëfyer tmerrin e përjetuar për një muaj. Pas denoncimit policia ka arrestuar menjëherë autorin.
Burime pranë Policisë kanë zbardhur detajet e ngjarjes së rëndë të ndodhur në Pogradec. Ato bënë më dije se i arrestuari është shtetasi, Blerim Bizgjoni, me arsim 8 vjeçar dhe i martuar.
Mësohet se denoncimi është bërë nga 14-vjeçarja, e cila ka dëshmuar se Blerim Bizgjoni e ka përdhunuar për më shumë se një muaj.
Mësohet se 47-vjeçari ka kryer marrëdhënie seksuale me të miturën ditën e Kurban Bajramit dhe e ka kërcënuar vajzën që të mos tregonte rreth kësaj ngjarje.
Minorenia ka dëshmuar në polici se me familjen e Blerim Bizgjonit kishin lidhje krushqie, ndërkohë që abuzimi më të ka vijuar për më shumë se një muaj.
“Në datë 11.09.2020 rreth orës 20:30 pranë komisariatit të policisë së Pogradecit është paraqitur shtetasja A.Q e cila ka bërë ankim se shtetasi Blerim Bizgjoni ka kryer marrëdhënie seksuale me të që nga fillimi i muajit gusht në mënyrë të përsëritur.
Kjo vajzë është e mitur pa bërë 14 vjeç akoma. Pas procedurave është bërë shoqërimi në komisariat i shtetasit blerim Bizgjoni, ai ka pranuar veprën penale dhe më pas u bë arrestimi i tij në flagrancë për veprën penale “Marrëdhënie seksuale ose homoseksuale me të mitur”. Ru. Do/ Fjala. al
