Rezultatet elektorale të 9 gushtit ndezën fitilin përfundimtar të demonstratave aktuale në Bjellorusi , të cilat janë përhapur nga Minski në të gjithë vendin dhe midis të gjitha shtresave të shoqërisë.
Presidenti Aleksandër Lukashenko, në pushtet për më shumë se dy dekada , thuhet se fitoi më shumë se 80% të votave, pavarësisht nga ato që treguan sondazhet parazgjedhore.
Kërkesa kryesore e protestuesve është mbajtja e zgjedhjeve të reja elektorale me garanci. Protestuesit gjithashtu denoncojnë shtypjen dhe dhunën policore në javët e fundit, të cilat kanë lënë gati 7,000 të arrestuar dhe të paktën tetë persona të zhdukur , sipas informacionit nga Zyra e Kombeve të Bashkuara për të Drejtat e Njeriut botuar në 21 Gusht.
Shumë nga të arrestuarit kanë raportuar keqtrajtim dhe abuzim fizik nga policia, gjithashtu midis gazetarëve dhe të miturve.
La.Mi/Fjala.al
