Ngjarja e cila tronditi kryeqytetin pasditen e sotme ku një automjet shpërtheu në ecje ka lënë tre të plagosur.
Objektivi i këtij atentati ishte drejtuesi i mjetit, Preng Gjini i cili është në gjendje kritike për jetën në spitalin e Traumës, por përveç tij kanë mbetur të plagosur edhe 2 persona të tjerë, një shtetas Italian dhe një i mitur 14 vjeçar.
Dy të plagosurit e tjerë kanë qënë kalimtar të rastit në momentin e shpërthimit.
Gazetarja Klodjana Lala e ftuar në emisionin ’Real Story’ ka thënë se kjo ngjarje është e ngjashme me atentatin që iu bë gjyqtarit Skerdilajd Konomi 11 vite më pare në Vlorë.
Lala thekson se autorët dhanë një mesazh të qartë, teksa shton se me shumë mundësi atentati vjen prej përplasjes së fortë të fiseve Gjini- Reçi.
”Në momentin e parë ishte e paqartë. Kemi siguruar pamjet nga momenti i parë të personit. Ngjarja që më shkoi që në momentin e parë ishte ajo e Skerdilajd Konomit, koha dhe vendi ku ësthë gjetur, pra po jepej një mesazh i qartë.
Krimi i organizuar nuk pyet nëse vret dhe kalimtarë, do të arrijë qëllimet. Familja Gjini ka pasur edhe të tjerë të vrarë. Ky është vëllai i Armando Gjinit që është ekzekutuar me kallashnikov para Katedrales në Rrëshen, para familjes së tij.
Bëhet fjalë për një përplasje të fortë të fiseve në Rrëshen. Vëllai i tij ka qenë pjesë e grupit kriminal të Met Kananit.”- tha Lala.
