Përpjekjet për të gjetur vaksinën e cila do të luftojë virusin COVID-19 po vazhdojnë ende nga fuqitë e mëdha.
Mbretëria e Bashkuar do të nis të testojë një vaksinë e cila është në formë spray dhe mund të merret nga hundët për të arritur më lehtë në mushkri.
Kjo vaksinë do të testohet nga ‘Imperial College London’ tek 30 vullnetarë që janë të shëndetshëm.
Bëhet fjalë për një vaksinë e cila do mund të administrohet si të gjitha medikamentet që përdoren kundër asmës.
Studiuesi i ‘Imperial College London’ ka thënë për BBC News se pandemia aktuale varet nga virus i cili infekton njerëzit kryesisht përmes qelizave që veshin hundën, fytin dhe mushkëritë, organet dhe sipërfaqet që prodhojnë një përgjigje imune e ndryshme nga pjesa tjetër e trupit.
Ai ka theksuar se kjo vaksinë mund të thithet nga hunda në mënyrë që të arrijë më shpejt në zonat e prekura dhe mund të sigurojë mbrojtje efektive ndaj Covid-19.
Britania e Madhe regjistroi sot 3105 raste të reja infeksioni dhe 27 vdekje.
Sipas Ministrisë së Shëndetësisë, totali i të prekurve ka shkuar në 374 228 kurse ai i viktimave në 41 664. /Ra.My.Fjala.al/
