Richard Grenell, i dërguari special i SHBA-ve për dialogun Kosovë-Serbi ka thënë që presidenti Trump është duke vlerësuar datat e mundshme për një vizitë në Kosovë. Këtë gjë Grenell e pohoi për një radio në gjuhen serbe në Chicago.
Grenell gjatë intervistës së tij tha që administrate e Trump do e vizitojë Kosovës dhe Serbinë vetëm se duhet të gjendet koha e përshtatshme.
“Unë personalisht kam inkurajuar presidentin Trump që të vizitojë Kosovën, Serbinë dhe tërë rajonin dhe të shoh fuqinë e ekonomisë se sa është e zhvilluar atje, Presidenti Trump ka thënë se mezi pret që të shkojë por nuk kemi data apo ndonjë afat kohor në mendje. Por pengesa e parë që të kthehet fokusi në Shtëpinë e Bardhë për të bërë një gjë të tillë është tejkaluar, ne duam ta bëjmë vetëm duhet të punojmë që të gjejmë kohë që do të ishte e përshtatshme për Shtëpinë e Bardhë dhe Këshillin Kombëtar të Sigurisë, të cilët do të përfshihen në këtë për së afërmi. Ne mezi presim dhe jemi të fokusuar në këtë”, ka thënë Grenell./Jo.Be/Fjala.al
