Mbrëmjen e djeshme ambasadorja e Amerikës në Tiranë Yuri Kim ka darkuar me deputeten e PD në Kuvend, Rudina Hajdarin, e cila pritet të nisë një parti të re bashkë me Nismën Thurje.
Dy figurat e njohura në vendin tonë, nuk ishin të vetme në atë tavolinë. Atyre iu janë bashkuar dhe aktivistë të tjerë të Nismës.
Pano Soko, Endri Shabani, pedagogu Rezart Prifti, Andi Tepelena dhe ambasadorja e Suedisë, Elsa Håstad, janë krah Kim dhe Hajdarit.
Nuk dihet se çfarë është diskutuar në tryezën e tyre mirëpo mund të thuhet se planet e partisë së Rudina Hajdarit mund ti jenë paraqitur ambasadores Kim, e cila duket se ka bekuar këtë parti të re.
Mes pemëve, natyrës, dritave dhe ushqimit e pijeve të shtrenjta, duket se “pagëzohet” partia e re e Hajdarit. Mbetet për tu parë se çfarë forme do të ketë partia e re dhe cili do të jetë programi i “Nismës”, si dhe detaje më shumë nga ky takim./Bl.Ba/Fjala.al
