“Deti”/ Mediat greke citojnë Ramën: Marrëveshja e 2009 u apelua në “Kushtetuese” nga frika e tensioneve

113 563 lexime

77,342FansaPëlqeje

“Për të zgjidhur mosmarrëveshjet midis Greqisë dhe Shqipërisë, Dora Bakoyannis dhe Edi Rama, nxorën “shpatat” kundër njëri- tjetrit duke argumentuar se, “herët a vonë do të arrijmë një pikëpamje të përbashkët mbi zonat detare”, ku kryeministri shqiptar mbështet idenë se zgjidhja e kësaj çështje mund të bëhet ose me ndihmën e vendeve të treta, siç tha ai, ose në Gjykatën Ndërkombëtare të Drejtësisë”, shkruajnë mediat greke pas konferencës për Ballkanin perëndimor organizuar nga “The Economics në të cilën u komentua edhe marrëveshja e prishur për kufirin detar, mes Greqisë dhe Shqipërisë.

Mediat e vendit fqinj shkruajnë se kryeministri shqiptar nuk e “evitoi dot praninë turke në Ballkanin Perëndimor”, kur deklaroi se; “ne kemi një bashkëpunim strategjik me Greqinë dhe Turqinë. Turqia luan një rol kritik për sigurinë e Evropës, ashtu si Greqia luan një rol kritik për kufijtë e Evropës. Padyshim, Presidenti turk nuk është kundër grekëve”.

Më tej në artikull thuhet se: Bakojanis shprehu pakënaqësinë e saj me vendimin e Gjykatës Kushtetuese të Shqipërisë, një dekadë më parë, e cila anuloi marrëveshjen Greko-Shqiptare për shënjimin e ujërave territoriale, e cila ishte nënshkruar në Tiranë.

Ajo sqaroi se “ndërhyrja e vendeve të treta nuk ndihmon, ne e dimë se Turqia ishte kundër marrëveshjes”.

Duke parë se kryeministri Rama e ka patur një shpjegim për Bakojanis për prishjen e marrëveshjes së vitit 2009, pasi u rrëzua nga Gjykata Kushtetuese, mediat shkruajnë se kryeministri shqiptar e ka argumentuar me faktin se mund të kishte rritje të tensioneve mes qeverisë dhe opozitës ndaj dhe është apeluar në Gjykatë.

Edhe ministri i Jashtëm i SYRIZA, Jorgo Katrougalos, ndërhyri në këtë diskutim, duke thënë se qeveria e SYRIZA “kishte negociata krijuese (me qeverinë e Tiranës), të cilat në fakt kishin ardhur shumë afër arritjes së një marrëveshjeje për të gjitha çështjet”, duke përfshirë edhe zonën ekonomike ekskluzive.

Lexo edhe :  Paralajmëruan protestë, Rama thërret mjekët për diskutim në kryeministri

Pas debateve të lindura në vend nga deklarata e Mitsotakis në parlamentin grek për shtrirjen e Greqisë me 12 milje në detin jon, kryeministri Rama deklaroi se marrëveshja e vitit 2009, u rrëzua nga Gjykata Kushtetuese pasi sipas tij, cenoheshin interesat kombëtare ndërsa ish-kryeministri Berisha e cilësoi si një marrëveshje e arritur me sukses nga qeveria e tij./Bl.Ba/Fjala.al

Të fundit

Britania e Madhe do të infektojë qëllimisht vullnetarët për të testuar vaksinën

Londra do të inspektojë provat e para në botë të sfidave njerëzore ndaj Covid-19, në të cilat vullnetarë të...

Ja kur do të jetë gati vaksina anti-Co*vid në Shqipëri

E gjithë bota është në luftë me kohën dhe pandeminë për krijimin sa më shpejt të vaksinës, anti-Covid-19. Teksa rastet po shtohen në të...

Ekskluzive/Ulet numri i fëmijëve që ndodhen në paraburgim, por 5 të mitur akuzohen për vrasje

Lajmi i publikuar sot në media se një 14-vjeçar është arrestuar në Durrës sepse në çantën e tij iu gjet një pistoletë, beri jo...

Vaksina ndaj Co*vid/ Manastirliu: E garantojmë sapo të jetë gati, do të mbulojmë gjithë popullatën

Ministrja e Shëndetësisë Ogerta Manastirliu u shpreh se qeveria shqiptare është gati ta blejë vaksinën ndaj koronavirusit, sapo ajo të jetë gati. E ftuar në...

Arilena Ara pjesë e ‘Milan Fashion Week’

Pandemia ka ndryshuar mënyrën se si industria e modës po i afrohet publikut me krijimet e reja. Javët e fundit, gjithçka është zhvilluar online. “Milan...

Lajme të tjera

Web TV