Gjermania është ofruar që të strehojë 1.500 emigrantë nga ishulli grek i Lesbos pasi banesat e tyre u përfshinë nga zjarret.
Burimet për mediat gjermane bëjnë me dije se kancelaria gjermane, Angela Merkel dhe ministri i Brendshëm Horst Seehofer kanë bërë gati një marrëveshje.
Më shumë se 12 mijë persona të cilët ishin strehuar në kampin Moria kanë mbetur pa asnjë strehë ku të fusin kokën, ndërsa në total bëhet me dije se në ishujt e Greqisë ndodhen rreth 30 mijë refugjatë.
Megjithatë, gazeta gjermane Bild, raporton se Athina është e shqetësuar se dërgimi i emigranteve në Gjermani mund të shkaktojë një “reaksion zinxhir” në ishuj të tjerë grekë./Re.Gu/Fjala.al
