E ardhmja e Kombëtares Shqiptare, Marash Kumbulla ishte një nga zbulimet e Serie A këtë sezon ku shkëlqeu tek klubi i Hellas Verona. Ai spikati sidomos në supersfidat e Veronës ndaj Juves, Interit, Napolit apo edhe Milanit ku së bashku me shokun tjetër shqiptar të repartit Amir Rrahmani, ja dolën të bllokojnë sulmues si Ronaldo, Dybala, Lukaku, Lautaro, Mertens, Ibrahimovic etj.
Menjëherë për të u hap një ankand ku Juve dhe Inter ishin dy klubet më të interesuara e që më pas ju shtua edhe Lazio me Igli Taren. Spekulimet mediatike shpesh e konsideruar të kryer transferimin e tij tek skuadrat e sipërpërmendura, por asnjëherë nuk u finalizua diçka konkrete.
Por nga përgjumja e skuadrave të tjera, përfitoi Roma e cila jo vetëm që hyri seriozisht në garë për të riun shqiptar, por mesa duket ka arritur marrëveshje totale për transferimin e tij në Olimpico.
Roma i ka afruar atij kontratë 5-vjeçare gjë që e ka tunduar së tepërmi Kumbullën. Ai do të përfitojë 2 milion euro në sezon ndërsa Verona do të mbushë arkat e saj me 30 milion eurot nga Verdhekuqtë për 20-vjeçarin shqiptar. Sipas mediave italiane, Kumbulla pritet të mbërrijë sot në Kryeqytet për të kryer analizat mjekësore.
Pa.Va/Fjala.al
