Ditën e sotme u mbajt seanca parlamentare, por ajo që ra më shumë në sy ishte sharmi i deputeteve dhe ministreve.
Mes tyre ranë në sy të veshura mjaft serioze ministrja e Shëndetësisë Ogerta Manastirliu, e veshur me xhaketë dhe pantallona, si dhe ajo e Financave, Anila Denaj, e veshur me kostum të zi, besnike e stilit të saj.
Ndërsa Elisa Spiropali, u shfaq mjaft elegante me fund dhe xhaketë, teksa flokët i kishte bërë me onde.
E veshur me një fustan ngjyrë tulle, deputetja Senida Mesi u shfaq mjaft në formë, ashtu sikundër Elona Gjebrea e veshur me një fustan me ngjyrë të ngjashme, dukej tejet elegante.
E propozuara si ministrja e re e Arsimit, Evis Kshi, kishte zgjedhur një fustan të gjatë sateni, blu të errët, për të shkuar në Kuvend, ndërsa Klotilda Bushka kishte zgjedhur një fustan të lirshëm të zi për seancën e sotme.
Më poshtë gjeni një fotogaleri e cila ju ndihmon të shihni ministret dhe deputetet me veshjet përkatëse që kishin zgjedhur për këtë ditë./Bl.Ba/Fjala.al
