Burime bëjnë me dije që Bujar Çela, vëllai i Talo Çelës u vra nga tre persona të veshur si policë. Autorët janë parë nga banorë të zonës që ishin pranë lokalit.
Viktima Bujar Çela, priste në lokalin ku u vra pasagjerët që vinin nga Greqia pasi ai punonte si taksist pa licensë./Jo.Be/Fjala.al
Elbasan/ Informacion paraprak
Rreth orës 05:45 , në fshatin Bradashesh, Elbasan, në rrethana ende të paqarta është vrarë me armë zjarri para një lokali shtetasi B.Ç., rreth 50 vjeç, banues në fshatin Bradashesh, Elbasan. Grupi hetimor ndodhet në vendngjarje dhe vijon puna për zbardhjen e plotë të rrethanave të ngjarjes , identifikimin e kapjen e autorit/ëve.
Shërbimet e Policisë kanë ngritur pika kontrolli në hyrje -dalje të qytetit të Elbasanit, pika kontrolli në akset rrugore nacionale në bashkëpunim me DVP Durrës, Fier e Tiranë . Në ndihmë të shërbimeve të DVP Elbasan kanë ardhur dhe FNSH dhe RENEA dhe vijon krehja e zonës.
