Pas eliminimit të Teutës dhe Laçit edhe Kukësi nuk arriti të bënte dot mrekullinë në Europa League.
Të besuarit e Skënder Gegës u eliminuan me rezultatin 0-4 nga një kundërshtar shumë i fortë dhe me kualitet si Wolfsburg.
Në minutën e 21-të, Weghorst kalon në avantazh Wolfsburgun, para se Lecroix të dyfishonte në minutën e 33-të. Pavarësisht disavntazhit, verilindorët kishin mundësinë e artë të shkurtonin shifrat, dy minuta më pas. Por Rroca u ‘hipnotizua’ nga portieri Casteels që ndali tentativën e mesfushorit.
Trajneri Gega e nisi pjesën e dytë me dy zëvendësime të shpejta por që nuk patën asnjë efekt, ishte sërish Wolfsburg që realizoi dhe golin e tretë në minutën e 74-ët. Me dëshirën e madhe për të realizuar golin e nderit, Kukësi la hapësira pas ku Admir Mehmedi shënoi dhe golin e katërt.
Kështu u mbyll edhe aventura europiane për verilindorët që nuk arritën të bënin dot mrekulli përballë gjermanëve dukshëm më të fortë. Më herët edhe Teuta u mposht nga Granada 0-4, ndërsa Laçi u mund 1-2 nga Hapoel Beer Sheva në një ndeshje dramatike.
Pa.Va/Fjala.al
