Ulsi Manja bën një premtim publik për reformën në drejtësi. Në emisionin HARD TALK NGA ROLAND QAFOKU, kryetari i komisionit Parlamentar të Çështjeve Ligjore tha se në këtë moment që ndodhemi nuk ka asnjë justifikim për arrestimet dhe goditjet ndaj krimit dhe korrupsionit. Sipas tij, asnjë socialist nuk ndërhyn dhe nuk mund të ndërhyjë te gjyqtarët dhe prokurorët.
-Sa na takon ne socialistëve, ne kemi qenë konsekuent nga dita e parë deri më sot me reformën në sistemin e drejtësisë. Sepse pa votat tona kjo reformë nuk do kishte ecur me këtë ritëm.
-Si na e mbush ti mendjen ne që ju socialistët nuk doni të ndikoni te kjo reformë?
-Edhe kjo duhet sqaruar. “Ne po vëmë njerëzit tanë”. Ky është perceptim dhe po e marr të mirëqenë, por vettingu si proces bën filtrimin e gjyqtarëve dhe prokurorëve që ishin në sistem. Ndërsa paz zbatimit të reformës në drejtësi, kush e njeh këtë reformë e di shumë mirë që politika nuk ka asnjë përgjegjësi ligjore të bëjë pjesë të sistemit njerëzit që do politika. Vettingu po filtron ato që në gjetëm në sistem./Fjala.al/Ke.Ba
