Ulsi Manja hedh akuza të rënda për trupën gjyqësore që është përjashtuar nga sistemi i drejtësisë nga vettingu. Në emisionin HARD TALK NGA ROLAND QAFOKU Manja deklaron se ata që janë larguar janë duke bërë organizim për të dëmtuar dhe ngadalësuar këtë reformë.
-Të larguarit nga vettingu hedhin baltë mbi procesin e vettingut. Anatemojnë procesin e vettingut dhe edhe perceptimi që ne po çojmë njerëzit tanë, nga këtu buron. Por në fakt nuk është e vërtetë. Njerëzit që e kundërshtojnë reformën e drejtësisë apo përpiqen të vënë shkopinj në rrota janë elementë me lidhje të forta politike dhe ekonomike. Këta janë larguar për mos justifikim të pasurisë dhe mos harroni, njerëzit që e kundërshtojnë reformën e drejtësisë apo përpiqen të vendosin shkopinj nën rrota për këtë proces, janë elementë me lidhje të forta. Janë larguar për mosjustifikim të pasurisë, për mungesë të burimeve për të justifikuar pasurinë.
-Lidhje të forta me politikën, i bie me opozitën.
-Nuk po vë emra. Me ata që nuk janë treguar luajalë ndaj zbatimit të reformës së sistemit të drejtësisë. Kundërshtarët e reformës në drejtësi i bashkon një qëllim./Fjala.al/Ke.Ba
