Anders Breivik, 41 vjeç ka marrë jetën e 77 personave në Norvegji dhe do të paraqesë në Gjykatë kërkesën për falje të dënimit.
Shpërthimi i një bombe të vendosur në Oslo nga ai vrau 8 persona, ndërsa më pas në një ishull afër kryeqytetit norvegjez vrau 69 të tjerë, kryesisht adoleshentë që po merrnin pjesë në një kamp.
Ngjarja ndodhi në korrik të vitit 2011, ndërsa një vit më vonë ai u dënua me 21 vite burgim, që është edhe dënimi më i lartë sipas ligjeve norvegjeze.
Sipas ligjeve norvegjeze, Breivik ka të drejtë të kërkojë faljen e dënimit pasi të ketë kryer 10 vite burg, kohë që përmbushet në korrik të vitit të ardhshëm.
“Me kërkesën e tij, unë kam dërguar kërkesë për falje. Kjo është një e drejtë që të gjithë të burgosurit e kanë dhe ai dëshiron ta përdorë”, tha avokati Oeystein Storrvik.
Në vitin 2015, Breivik ishte përpjekur ta padiste shtetin norvegjez për t’u liruar nga burgu me arsyetimin se kushtet e rrepta në të cilat po mbahej paraqesin shkelje të të drejtave njerëzore. Ru. Do/ Fjala.al
