Pa u mbushur ende 24 orë nga plagosja e dy personave dje në Durrës ditën e djeshme ku një prej tyre ndërroi jetë, një tjetër ngjarje e rëndë ka ndodhur në qytet pak më parë.
Një person është gjetur i vrarë me thikë në zonën e Plepave, i identifikuar si Idajet Dulla.
Por Policia ka hyrë menjëherë në lëvizje dhe ka identifikuar autorin e kësaj ngjarjeje. Arbër Koti është autori i vrasjes së Idajet Dullës.
Shofer i furgonit është konfliktuar me viktimën Idajet Dulla, 34-vjeç, ky i fundit i cili ishte me makinën e tij personale, për çështjen e rrugës ku kalojnë makinat.
Pas konfliktit Arbër Koti i ka ngulur thikën në zemër Idajet Dullës duke i shkaktuar edhe vdekjen e menjëhershme.
Më pas viktima është transportuar në morgun e spitalit të Durrësit, ndërsa policia është duke vijuar punën për zbardhjen e plotë të ngjarjes.
Pa.Va/Fjala.al
