Zbulohen detaje të reja nga dosja e abuzimit të gjimnazistes nga i ati i saj 54-vjeçar. Vajza ka rrëfyer ara grupit hetimor se është ngacmuar vetëm me fjalë të pahijshme nga i ati, por nuk është prekur kurrë nga ai.
Sipas saj, Edmond Seli, shpesh herë konsumonte pije alkoolike dhe në gjendje të dehur e ngacmonte, ndërsa ajo ishte vendosur ta denonconte pas konsultimit me psikologen.
“Babai herë pas here konsumonte alkool. Kohët e fundit kur ishte i dehur më ka folur me fjalë të çuditshme dhe ngacmuese, jo si të një babai. Kur i tregova psikologes fjalët e tij ajo i cilësoi si ngacmim seksual pasi ishin të turpshme,”- ka thënë thënë ajo.
Gjyqtarja Enkeleda Hoxha me urdhër të prokurorit Florjan Bonjaku vendosi ditën e sotme të lërë në burg Selin, deri në përfundim të hetimeve.
Seli u vu në pranga para dy ditësh. 54-vjeçari ushtronte dhunë fizike dhe psikologjike ndaj bashkëshortes së tij, si dhe ngacmonte seksualisht të bijën. Ka.Li/fjala.al
