Breshëri të shtënash në plazhin e Torvaianica, në Romë të Italisë, ku dy persona me motor hapën zjarr ndaj një shqiptari.
Si pasojë e të shtënave të mesditës së kësaj të diele, mbeti i plagosur një shqiptar, me një sërë precedentësh penalë.
Shqiptari u dërgua në spitalin e “San Camillo”, në gjendje të rëndë, ku ndodhet nën kujdesin e mjekëve, ndërkohë që si pasojë e plagëve të marra rrezikon të mbetet i paralizuar.
Nga hetimet paraprake, rezultoi se dy persona të dyshuar mbërritën në plazh me motor dhe hapën zjarr ndaj shqiptarit.
Njëri prej tyre zbriti nga mjeti, me pistoletë në dorë dhe qëlloi drejt shqiptarit S.S., 38 vjeç.
Pas të shtënave, dy të dyshuarit, me fytyrën e mbuluar, u larguan me shpejtësi me motor.
Policia italiane dyshon se ngjarja ka lidhje me larje hesapesh, për aktivitetin kriminal, ku i plagosuri dhe të dyshuarit mund të jenë të përfshirë./Bl.Ba/Fjala.al
