Porositësi i vrasjeve të kohëve të fundit në Elbasan, Erion Alibej është lënë në arrest me burg pa afat.
Alibej dyshohet se është organizator dhe porositës i vrasjeve të Emiljano Ramazanit dhe Regis Runajt në korrik, teksa ka dyshime të forta se pikërisht ky person ka gisht dhe në vrasjen e Bujar Çelës, vëllait të Talo Çelës, për konkurrencën e drogës.
Policia e cilëson Alibejn si një person me rrezikshmëri të lartë dhe me lidhje me trafikantë ndërkombëtarë droge.
Provat që implikojnë organizatorin
Prokuroria e Elbasanit, ka siguruar prova të shumta për Erjon Alibejin, të cilat implikojnë 34-vjeçarin, si “koka” e ekzekutimeve të ndodhura muajit e fundit në Elbasan. Përveç dëshmisë së dëshmitarit të drejtësisë Euglen Halili, një tjetër provë e rëndësishme që janë në dorën e prokurorisë janë edhe tabulate telefonike dhe mesazhe që ka komunikuar
Një sërë tabulatesh telefonike dhe biseda të regjistruara me individ të ndryshëm disa të identifikuar, e disa jo prej hetuesve si dhe dëshmia e të penduarit të drejtësisë Euglen Halilit, janë provat më të forta të Prokurorisë së Elbasanit për Erion Alibejn, i cili akuzohet si organizator i vrasjes së Emiljano Ramazanit dhe Regis Runajt disa javë më parë.
Burime thanë për “TV Fjala” se nga bisedat e interceptuara kanë rezultuar të dhëna dhe fakte që inkriminojnë Alibejn në vrasjen e dy personave, ndërsa dyshimet për 34 vjeçarin janë ngritur që dy muaj më parë.
Të njëjtat burime thanë se ka indicie shumë të forta që Alibej mund të jetë personi që ka porositur edhe vrasjen e Bujar Çelës, vëllait të Talo Çelës, megjithatë deri më tani nuk ka asnjë provë që e lidh dhe hetimet në këtë drejtim vazhdojnë.
Indiciet thanë burimet, kanë të bëjnë me faktin se Talo Çela dyshohet dhe ka qenë i skeduar nga hetuesit si një prej autorëve të atentatit të trefishtë ne Bradashesh në dhjetor të 2018 ku mbetën të vrarë dy njerëzit më të afërt të 34-vjeçarit, Endrit Alibej dhe Arben Dylgjeri.
Megjithatë implikimi i Talo Çelës në këtë vrasje mbeti në kuadër të dyshimeve pasi asnjëherë nuk ka pasur prova të mjaftueshme për të ngritur ndaj tij një akuzë. Sipas hetuesve, hakmarrja është motivi kryesor i ngjarjeve kriminale si dhe prishja e balancave në trafikimin e lëndëve narkotike./Bl.Ba/Fjala.al
