Interi duket se nuk po punon vetëm për merkaton e ekipit të parë por edhe atë të Primaveras. Afrimi i radhës është një kuqezi, por jo nga ata të rivalëve të përjetshëm të Milanit, por një kuqezi që së shpejti mund të jetë pjesë e Kombëtares Shqiptare.
Kristian Dervishi është blerja më e re e zikaltërve. Ai ka firmosur ditën e sotme me nën-kampionët e italisë. 17-vjeçari shqiptar ishte pjesë e moshave të Atalantës, ndërsa tani do t’i bashkohet të rinjve të Interit. Dervishi luan si sulmues krahu dhe i bashkohet kështu Çepeles që është pjesë e moshave zikaltër.
Njoftimi për arritjen e marrëveshjes është bërë publike nga vetë lojtari në rrjetet sociale. Dervishi gjithashtu është pjesë e Kombëtares U-17 të Shqipërisë, ndërsa në të ardhmen me shumë mundësi do të bashkohet edhe me ekipin e parë duke parë hapin e madh që ka bërë në karrierën e tij.
Pa.Va/Fjala.al
