Marrëveshja me Greqinë/ Idrizi: S’ka debat për detin e brendshëm territorial

113 563 lexime

124,178FansaPëlqeje

Përfaqësues të PDIU dhe anëtarë të Shoqërisë Civile kanë zhvilluar ditën e sotme një takim lidhur me çështjen e detit dhe një marrëveshjeje të mundshme me Greqinë.

Kryetari i PDIU, Shpëtim Idrizi është shprehur se Shqipëria duhet të diskutojë me Greqinë, por vetëm për shelfin kontinental apo për zonën ekonomike ekskluzive, teksa theksoi se për detin e brendshëm territorial s’ka debat.

Gjithashtu Idrizi kujtoi një deklaratë të Kotzias në 2018 i cili është shprehur se marrëveshja është gati, e gjithashtu para dy viteve dhe Tsipras premtoi në parlament se do të zgjeronte me 12 milje ujërat greke në detin Jon e këtë vit edhe Mitsotakin bëri të njëjtën deklaratë në parlament.

Ai u shpreh i shqetësuar se këto deklarata vijnë gjithmonë nga pala greke, por asnjëherë nuk ka patur transparencë nga pala shqiptare.

”Vetëm reciprociteti mund të çojë në një normalizim të marrëdhënieve Shqipëri- Greqi. Tjetër, duhet të hiqet ligji i luftës. Si dhe çështja çame që duhet të dihet, nuk ishte aksident i vitit 1944.

Dua të ndaj qartësisht me ju, atë që Gjykata Kushtetuese në 2010 bëri të qartë. Shqipëria duhet të negociojë me Greqinë për shelfin kontinental dhe zonën ekonomike.

Në 2009 nuk ndante shelfin kontinental, por ndan ujërat e brendshme dhe territoriale. Në to shteti shqiptar ushtron sovranitet.

Nuk ka debat për detin e brendshëm territorial. Ky është dokumenti, që tregon se kufijtë detarë janë të delimituar.

Prandaj GJK thotë që diskutimi për delimitimin është i gabuar. Duhet të theksoj dhe një fakt, po të shohim dhe vendimin e Arbitrazhit, e përcaktuar qartë kufijtë ujore territorialë. Dhe u pa që minat në incidentin me Anglinë ishte në ujërat shqiptare.

Kujtoj që në tetor të 2018, Kotzias thoshte që marrëveshja ishte gati. Po dhe kryeministri i kohës, Tsipras tha se do e sillte në Kuvend projektin për zgjerimin në 12 milje në detin Jon, por u tërhoq nga ajo. Tani e bën Mitsotakis. Kjo solli shqetësim. Ne nuk kemi asnjë transparencë nga pala shqiptare. E marrim vesh nga pala apo mediat greke.”– tha Idrizi./Re.Gu/Fjala.al

Të fundit

Kliket e adoleshentëve: Stefën Shore shndërroi në magji përditshmërinë e Nju Jorkut

Para se të gjente famën në moshën 17 vjeçare duke fotografuar “Factory”-n e Andy Warhol-it, Shore endet në qytet...

Demokratë… dilni mbushni sheshet! Mos prisni magjistarin që do rrëzojë Ramën

Deputeti demokrat Tomor Alizoti u ka bërë apel qytetarëve që të sensibilizohen dhe ti bashkohen kauzës opozitare për rrëzimin e qeverisë Rama. Sipas tij është...

Shpërthim gazi në Sorrento, të paktën 2 viktima

Dy të moshuar, një burrë dhe një grua, të moshës 81 dhe 83 vjeç, vdiqën në një shpërthim në një apartament në Piano di...

Ish-kreu i SHISH në Berat dhe djali i tij vendosen nën hetim nga Prokuroria

Ish-drejtori i Shërbimit Informativ të Shtetit në Berat dhe djali i tij, janë marrë nën hetim nga Prokuroria e Beratit për tre vepra penale. Sipas...

Alimehmeti i pakënaqur nga ‘primaret’ në PD: Prodhuan problematika, pasoja dhe pakënaqësi

Ilir Alimehmeti, anëtar i Këshillit Kombëtar të Partisë Demokratike, i ftuar në Klan News, foli për zhvillimet brenda partisë dhe sfidat që kanë shoqëruar...

Lajme të tjera

Web TV