Përfaqësuesi i Partisë Socialiste në Këshillin Politik, Damian Gjiknuri është shprehur për mediat pas mbledhjes së ditës së sotme se opozita erdhi me të njëjtën qasje politike, tashmë të transformuar në letër.
Gjiknuri u shpreh që Kushteta ka ndryshuar dhe nuk mund të humbite më kohë. Në fjalën e tij deputeti i PS deklaroi që opozitës i është lënë kohë të shkruajnë draftet por jo tentative si këto të fundit që shërbejnë vetëm për të minuar procesin. “Kemi një emergjencë kohore dhe do vijojmë të mirëpresim”, u shpreh Gjiknuri./Jo.Be/Fjala.al
Deklarata e Damian Gjiknurit:
Së pari fatkeqësisht opozita erdhi me të njëjtën qasje politike, tashmë të transformuar në një letër, por harruan që ky këshill vepron në bazë të një standardit të arritur, i imponuar ky standard nga opozita. Kur kishim debate në çështje të tjera, për të cilat ODIHR kishte rënë dakord të jepte asistencë ishte opozita që vendosi standardin. Synohet kompromisi dhe kur nuk ka, mund të merret asistenca, por vetëm mbi drafte përkatëse. Cfarë i themi tani, hajdeni me propozime konkrete. Ky këshill është krijuar për të konsultuar me opozitën jashtëparlamentare.
Kushtetuta ka ndryshuar, nuk mund të humbasim kohë. Ne sollëm propozimin tonë, nuk mund t’u pëlqejë, por propozimet duhet të vijnë me shkrim, jo me studio.
Propozimet në këshill duhet të vijnë me shkrim jo në studio televizive. I dhamë kohë. Por tentativa për këto që përsëriten njëherë në shqip njëherë në anglisht bëhen për të minuar procesin dhe për të bllokuar zbatimin e amendimeve kushtetuese.I thash merrni kohë, shkruani draftet e sillini por tentativa si këto janë për të minuar këtë proces për të bllokuar hyrjen në fuqi. Kemi një emergjencë kohore, dhe do vijojmë të mirëpresim. Procedura në parlament ka nisur ne jemi të gatshëm për të punuar 24 orë, kur të duan ata.
Natyrshëm që nuk do lëmë vakum kushtetues. Nëse ata s’duan të bëhen pjesë, apo të prononcohen, do të vijojmë. Këshilli Politik është krijuar për shkak të dëshirës së mirë të mazhorancës me një palë që bëri vetvrasje politike. Ne përtej rekomandimeve të ODIHR, plotësuam kërkesat. PD ka shprehur kundërshtitë pë Kushtetutën. Pse bëjnë sikur u zgjuan dje? Kushtetuta ka ndryshuar, Kuvendi ka për detyrë ta zbatojë.
