Deputeti i opozitës parlamentare, Halit Valteri është shprehur se ai nuk do të votojë draftin e mazhorancës për hapjen e listave.
Sipas tij, edhe pse ky draft do të diskutohet në Komisionin e ligjeve e më pas do të kalojë në Parlament më 1 tetor për tu votuar, ai nuk do të miratohet.
I ftuar në Report Tv, ai bëri edhe një koment për kreun e PD, Basha ku tha se ai është kthyer të jape receta mbi pandeminë.
“Ju siguroj që për grupin demokrat, kjo paçavure nuk kalon nga votat tona. Unë nuk e quaj as draft. Nuk ka as logjikën për tu quajtur draft. Basha u kthye në dhënien e recetave të covidit. Është një pranim për të moslejuar koalicionet dhe për të djegur partitë e vogla. Ne kemi votuar ndryshimet kushtetuese që thonë se listat të hapen të paktën 2/3. Kjo që kanë nxjerrë sot nuk janë të hapura. Nuk ka shans që një kandidatë të marrë më shumë se mesatarja e partisë. Kjo është tallje me sistemin. Nuk do të kalojë. Ai mund të gjejë 20 vota. Unë një kam. Nuk do të ndodhë” – tha Valteri.
Pa.Va/Fjala.al
