Vuajtja më e madhe e PS në pushtet në këto 8 vite kanë qenë disa figura si deputetë dhe kryetar bashkish që kanë rezultuar me të kaluar kriminale. I pyetur në emisionin HARD TALK NGA ROLAND QAFOKU, se çfarë garancie jep PS që nuk do të ketë figura të tilla në zgjedhjet e vitit 2021, Çuçi u përgjigj:
-Çfarë garancie jep PS që në këto zgjedhje nuk do jenë të përfshirë persona me të kaluar kriminale?
-Brenda partisë në bëjmë të gjithë procesin e mundshëm për të filtruar figurat politike që kandidojnë. Nga 2013 në 2017 u bë një hap shumë cilësor. Akoma më cilësor do jetë këtë rradhë. Pa diskutim. Ne bëjmë të gjithë procesin e mundshëm që mund të bëhet brenda një partie politike për të filtruar figurat. Bëjmë edhe hetim brenda partisë, aq sa na lejohet ne. Ne nuk jemi as organ prokurorie, nuk jemi as organ interforce. S’bëhemi as forcë policore, as prokurori nuk bëhemi. Ka një ligj dhe mënyrë proceduriale që të të kthejë përgjigje prokuroria e X qyteti, X bashkie, në Itali nuk të kthen përgjigje ty për të dhënat personale të njeriut. Duhet të jesh organ kompetent që ta marrësh. Integriteti i një force politike matet në momentin kur del kjo gjëja dhe se si sillet me atë kandidat./Fjala.al/Ke.Ba
