Në seancën e sotme plenare në Kuvend deputetja Rudina Hajdari u ndal sërish tek listat e hapura, ndërsa hodhi akuza ndaj kryeministrit Rama.
Hajdari theksoi se kryeministri Rama ishte ai që i pa shqiptarët në sy duke i thënë se listat do të hapen, por që sipas saj rezultoi vetëm një mashtrim.
Po ashtu deputetja i bëri thirrje që tërhiqen dhe të humbasin me dinjitet, pasi në sytë e shqiptarëve shihet qartë se janë të lodhur me mashtrimet e mazhorancës dhe se koha e tyre tashmë ka mbaruar.
“Koha juaj ka mbaruar, ka mbaruar sot sepse e shikoj në sytë e shqiptarëve, që duan një të ardhme më të mirë në këtë vend. I takoj çdo ditë dhe ndjej në sytë e tyre që koha juaj ka mbaruar. Sot keni treguar që jeni ata njerëz që në kryefjalën e këtij parlamenti ekziston vetëm mashtrimi dhe pandershmëria.
Pyes veten se si gjithë këta njerëz të mirë përfaqësohen nga ju. Kjo pandershmëri arriti kulmin, ku PS bërë propozimin për hapje listash, por që nuk ishte e tillë. Edi Rama ishte ai që i pa shqiptarët në sy dhe nga ky Kuvend tha listat do të hapen.
Ky mashtrim i Ramës do të renditet si një nga mashtrimet më të mëdha që është bërë në këto 30 vite. Ju keni frikë nga populli. Nuk i dilni dot përballë që të zgjedhin ata. Ju keni frikë nga qytetarët shqiptare”, tha Hajdari./Bl.Ba/Fjala.al
